EINAR ØFSTI I HEGDAHLGÅRDEN
Då kunstmalaren Einar Øfsti døydde i juni 1906, hadde han ikkje hatt ei einaste separatutstilling. Men det vart arrangert ein minneutstilling same år, og Nasjonalgalleriet sikra seg straks det store maleriet "Sancthansnat på Inderøen" malt i 1902. Kunstneren rekna dette for sitt hovudverk. I 2014 inspirerte dette maleriet koreografen Odd Johan Fritzøe til ei danseførestilling som får urpremiere under årets Hilmarfestival, med musikk av Gjermund Larsen. Vi fekk ikkje låne maleriet av Nasjonalgalleriet til utstillinga i Hegdahlgården, men vi har laga ei lita utstilling av skisser og forarbeid. Der viser vi også andre arbeid av kunstnaren, knytta til hans illustrasjonar til eventyrsamlinga «Gamalt paa Sparbumaal» av Karl Braseth.
Hegdahlgården er namnet på eit nytt kulturprosjekt i Steinkjer. Anne Mette Hegdahl har vendt heim etter mange år i Oslo, der ho mellom anna dreiv Hønse-Lovisas hus ved Akerselva. Ho har etablert seg i oldefar Olaf Hegdahls fine gjenreisingsgård. Om dagen er det ei triveleg studentkantine, om kvelden og i helgene arena for møter, samtalar og små utstillingar.
